Strategik rivojlanish va islohotlar agentligi tomonidan Davlat siyosati va boshqaruvi akademiyasida ctrategik rejalashtirish va rivojlanish tizimi bo‘yicha navbatdagi o‘quv kursi o‘tkazildi.
Bu vazifa O‘zbekiston Respublikasi Prezidentining 2025 yil 30 oktabrdagi 201-sonli farmonida ko‘rsatib o‘tilgan. Shunga muvofiq, o‘tgan oyda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining axborot-tahlil guruhlari rahbarlari o‘qitilgan edi. Endi vazirlik va idoralarning strategik rejalashtirish bo‘yicha tarkibiy bo‘linmalari rahbarlari malaka oshirdi.
Strategik rivojlanish va islohotlar agentligi direktori v.b. Abdulla Abduqodirov davlatimiz rahbari tomonidan mamlakatimizda strategik rejalashtirishning yagona tizimi joriy etilgani, soha va tarmoqlarni o‘zaro muvofiq rivojlantirish vazifalari qo‘yilganini ta’kidladi. Strategik rejalashtirish bo‘linmalari rahbarlaridan quyidagi uchta vazifani bajarish kutiladi:
– o‘z sohasining tarixi, rivojlanish kontekstini har tomonlama tahlil qilgan xolda, sohaning 15-25 yillik istiqbollarini konsepsiya holatida ishlab chiqish va asoslash;
– joriy boshqaruvning barcha yutuqlari va kamchiliklarini har tomonlama o‘rganib, uni samaradorligini raqamlashtirish, jarayonlarni optimallashtirish, natijaga yo‘naltirish asosida oshirish yuzasidan takliflarni ishlab chiqish;
– boshqaruv jarayoniga sun’iy intellektning tahliliy imkoniyatlaridan keng foydalangan holda ko‘p variantlik va ko‘p faktorlik qaror qabul qilish modellarini kiritish.
Buning uchun vazirlik va idoralardagi tizim xodimlari yagona uslubiyat va yondashuvlar asosida ish yuritishi zarur. Mazkur o‘quv kursi davlat boshqaruvi tizimida strategik qarorlar qabul qilish sifatini oshirish, strategik hujjatlar o‘rtasidagi uzviylik va muvofiqlikni ta’minlash hamda natijaga yo‘naltirilgan boshqaruv madaniyatini shakllantirishga qaratilgan.
O‘quv davomida strategik tahlil va rejalashtirish, maqsadlar, vazifalar va samaradorlik ko‘rsatkichlarini belgilash, strategik rahbarlik va boshqaruv kabi mavzular o‘tildi. Har bir ishtirokchi o‘z vazirligi yoki idorasi misolida strategik rejalashtirish va rivojlanish, tahlil hamda natijadorlikni boshqarish bo‘yicha loyiha ishini tayyorladi. O‘quv davomida strategik tahlil va rejalashtirish, maqsadlar, vazifalar va samaradorlik ko‘rsatkichlarini belgilash, strategik rahbarlik va boshqaruv kabi mavzular o‘tildi. Har bir ishtirokchi o‘z vazirligi yoki idorasi misolida strategik rejalashtirish va rivojlanish, tahlil hamda natijadorlikni boshqarish bo‘yicha loyiha ishini tayyorladi. Ishtirokchilarning bilim, ko‘nikma va kompetensiyalari ushbu loyiha ishi hamda yakuniy test sinovi orqali baholandi.
Kurs yakunida ishtirokchilarga sertifikatlar topshirildi.
