O‘zbekiston Respublikasi Prezidenti huzuridagi Strategik rivojlanish va islohotlar agentligida 28 aprel kuni Toni Blerning Global o‘zgarishlar instituti delegatsiyasi bilan uchrashuv bo‘lib o‘tdi. Delegatsiyaga Yaqin Sharq, Shimoliy Afrika va Markaziy Osiyo mintaqasi bo‘yicha boshqaruvchi direktor Yorg Shubert boshchilik qildi.
Uchrashuvda o‘tgan davrda amalga oshirilgan ishlar yuqori baholandi. Muzokaralar davomida tomonlar qo‘shma loyihalarning borishini muhokama qildi, erishilgan natijalar ko‘rib chiqildi hamda kelgusidagi hamkorlikning ustuvor yo‘nalishlari bo‘yicha fikr almashildi.
Uchrashuv yakunida hamkorlikni davom ettirish va 2026 yil uchun qo‘shma ishlar doirasini belgilovchi uch tomonlama bitimni imzolashga tayyorgarlik ko‘rish bo‘yicha kelishuvga erishildi.
Strategik rivojlanish va islohotlar agentligi mamlakatda olib borilayotgan islohotlar va barqaror ijtimoiy-iqtisodiy rivojlanish manfaatlari yo‘lida xalqaro ekspertizani jalb etish bo‘yicha ishlarni davom ettirmoqda.
