Toshkent shahrida yoshlar ishtirokida “Real holat” hakatoni (dasturchilar o‘rtasida musobaqa) o‘tkazildi.
Bu tadbir ijtimoiy infratuzilma va davlat dasturlari holati to‘g‘risida aholi xabardorligini oshirish hamda bunga yoshlarni jalb etishga qaratilgan.
Hakatonda 180 ga yaqin dasturchilarni jamlagan jamoalar jamoatchilik nazoratini ta’minlashga yordam beradigan 36 ta raqamli platforma shaklini ishlab chiqdi. Bunda dasturning qamrovi va foydalanuvchilar uchun qulayligi asosiy mezon bo‘ldi.
Tadbir yakunida eng yaxshi 4 ta jamoaga grant mablag‘lari taqdim etildi.
Tadbir Strategik rivojlanish va islohotlar agentligi, Germaniya xalqaro hamkorlik jamiyati va “School 21” raqamli texnologiyalar maktabi hamkorligida tashkil etildi.
